Ccanmi Dios Canqui (Kanmi Dios Kanki). (Canto en Quechua, lengua de los Andes del Perú)

Autor:

1. Ccanmi Dios canqui, yuracc Hostia Santa,

Cconccor sayaspan, chunca muchaicuiqui,

Uyarillahuai, Apu Jesucristo, Dios, huac-cha cuyacc.

2. Checcap Dios caspam, Runa turcurccanqui,

Virgen Mariapa Huahuan caspataccmi,

Huañusacc nispa, cai Sacramentopi, cceparirccanqui.

3. Cai yuracc Hostia, tantam ñaupacc carcca:

Cunancca manam tanta caipi canchu,

Cristo Jesuspa causacc cuerponmanmi, tanta tucupun.

4. Calizpi caccri, vino ñaupacc carcca:

Cunancca manam vino caipi canchu,

Cristo Jesuspa causacc yahuarninman, vino tucupun.

5. Jesús nacircca Navidad tutapi,

Juchanchic raicu cruzpipas huañurcca,

Causarimpuspam gloriaman cutircca, Paipunim caipi.

6. Chai, arí, runa, tucui soncconchic-huan,

Dios yayanchicta, chunca muchaicusun:

Cristo Jesusmi cai Sacramentopi, quiquin Dios tiyan.

7. Muchaicusccaiqui, Apu Jesucristo,

Chai Hostiamanta, ccahuarimullahuai,

Rurahuasccaiqui huac-cha runaiquita, ccespichihuaitacc.

Descargar partitura en F#m
Descargar partitura en Mim